விழுப்புரம் மாவட்டத்தில், புதியதாக உருவாகியுள்ள கோட்டகுப்பம் நகராட்சிக்கான வாக்காளர் பட்டியல் வெளியிடப்பட்டது.

விழுப்புரம் மாவட்டத்தில், கோட்டக்குப்பம் பேரூராட்சி நகராட்சியாக தரம் உயர்த்தப்பட்டு நகராட்சியாக உள்ளது. தேர்தல்களுக்காக. கடந்த 01.11.2021 நாளிட்ட ஒருங்கிணைந்த சட்டமன்ற வாக்காளர் பட்டியல்களை அடிப்படையாகக் கொண்டு தயாரிக்கப்பட்ட புகைப்படத்துடன் கூடிய வாக்காளர் பட்டியல்கள். தமிழ்நாடு மாநில தேர்தல் ஆணைய கால அட்டவணையின்படி இன்று வெளியிடப்பட்டது. அங்கீகரிக்கப்பட்ட அரசியல் கட்சி பிரதிநிதிகள் முன்னிலையில், மாவட்ட தேர்தல் அலுவலரும், மாவட்ட ஆட்சித்தலைவருமான த.மோகன் இன்று வெளியிட்டார்.

இவ்வாக்காளர் பட்டியல்களின்படி, கோட்டக்குப்பம் நகராட்சியில் ஆண் வாக்காளர்கள் 11,581, பெண் வாக்காளர்கள் 12,090 இதர வாக்காளர்கள் 2 ஆக மொத்தம் 23,673 வாக்காளர்கள் உள்ளனர். கோட்டக்குப்பம் நகராட்சி உள்ளாட்சி அமைப்புக்கான புகைப்படத்துடன் கூடிய வாக்காளர் பட்டியல்கள் கோட்டக்குப்பம் நகராட்சி அலுவலகத்தில் பொதுமக்கள் பார்வைக்கு வைக்கப்பட்டுள்ளது என மாவட்ட தேர்தல் அலுவலரும், மாவட்ட ஆட்சித்தலைவருமான தெரிவித்தார்.

இந்நிகழ்ச்சியின் போது, திட்ட இயக்குநர், மாவட்ட ஊரக வளர்ச்சி முகமை ர.சங்கர், மாவட்ட ஆட்சியரின் நேர்முக உதவியாளர் (தேர்தல்) பூ.ராமகிருஷ்ணன், உட்பட பலர் கலந்து கொண்டனர்.