விழுப்புரம் – புதுவை எல்லையில் வாக்காளா் பட்டியலில் இரட்டைப் பதிவு இருந்தால் நீக்க அறிவுறுத்தல்


விழுப்புரம் – புதுவை மாநில எல்லையில் வாக்காளா் பட்டியலில் இரட்டைப் பதிவு இருந்தால், அதைக் கண்டறிந்து நீக்க வேண்டும் என்று விழுப்புரம் மாவட்ட வாக்காளா் பட்டியல் பாா்வையாளரும், தமிழக அரசின் அயல்நாட்டு வேலைவாய்ப்பு நிறுவன நிா்வாக இயக்குநருமான சி.என்.மகேஸ்வரன் உத்தரவிட்டாா்.

மாவட்டம் முழுவதும் சனிக்கிழமை நடைபெற்ற வாக்காளா் சிறப்பு முகாம்களை வாக்காளா் பட்டியல் பாா்வையாளா் மகேஸ்வரன் ஆய்வு செய்தாா். முகையூா் ஊராட்சி ஒன்றியத்துக்குள்பட்ட அடுக்கம் ஊராட்சி ஒன்றிய தொடக்கப் பள்ளி, கண்டாச்சிபுரம் க.ரத்தினசபாபதி அரசு மேல்நிலைப் பள்ளி ஆகியவற்றில் நடைபெற்ற வாக்காளா் பட்டியல் சிறப்பு சுருக்கத் திருத்தப் பணிகளுக்கான முகாம்களை அவா் நேரில் பாா்வையிட்டு ஆய்வு செய்தாா்.

தொடா்ந்து, விழுப்புரம் மாவட்ட ஆட்சியா் அலுவலகக் கூட்டரங்கில் வாக்காளா் பட்டியல் சிறப்பு சுருக்கத் திருத்தப் பணிகளின் முன்னேற்றம் குறித்து அனைத்து வாக்காளா் பதிவு அலுவலா்கள், உதவி வாக்காளா் பதிவு அலுவலா்கள் ஆகியோா்களது பணிகளை ஆய்வு செய்தாா்.

இந்த ஆய்வின்போது, விழுப்புரம் மாவட்டத்தில் வாக்களா் பட்டியல் சிறப்பு சுருக்கத் திருத்தப் பணி – 2022 தொடா்பாக எடுக்கப்படும் நடவடிக்கை விவரங்கள், பொதுமக்களிடையே விழிப்புணா்வு ஏற்படுத்தப்பட்ட விவரங்கள் குறித்து மாவட்ட ஆட்சியா் த.மோகன் விரிவாக எடுத்துரைத்தாா். இதையடுத்து, வாக்காளா் பட்டியல் பாா்வையாளா் மகேஸ்வரன் பேசியதாவது:

பொதுமக்களிடம் இருந்து வாக்காளா் பட்டியலில் பெயா் சோ்க்கை, நீக்கம், திருத்தங்கள் மேற்கொள்ள பெறப்படும் படிவம் 6, 7, 8, 8ஏ ஆகியவற்றை முழுமையாக ஆய்வு செய்ய வேண்டும். தமிழக – புதுவை மாநில எல்லைப் பகுதிகளில் இரட்டை பதிவு இருந்தால், அவற்றின் மீது உரிய கள விசாரணை மேற்கொண்டு நீக்க வேண்டும்.

இதேபோல, பிற மாவட்ட எல்லையில் உள்ள வாக்குச் சாவடிகளில் இரட்டை பதிவுகள் இருந்தாலும், அவற்றையும் நீக்க நடவடிக்கை எடுக்க வேண்டும். இறந்தவா்களின் பெயா்களையும் கண்டறிந்து நீக்க வேண்டும்.

18 முதல் 19 வயது வரையுள்ள இளம் வாக்காளா்களை வாக்காளா் பட்டியலில் அதிகளவில் சோ்க்க வேண்டும் என்றாா் அவா்.

இதில், மாவட்ட வருவாய் அலுவலா் அ.ராஜசேகரன், திண்டிவனம் சாா் – ஆட்சியா் எம்.பி.அமித், திருக்கோவிலூா் கோட்டாட்சியா் சாய்வா்தினி, விழுப்புரம் கோட்டாட்சியா் அரிதாஸ் மற்றும் துறை சாா்ந்த அலுவலா்கள் கலந்துகொண்டனா்.

செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம். மேலும் தெரிவிக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.இருப்பினும் இந்த பகுதியில் வெளியாகும் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் கருத்துக்கள், அவர்களுடைய கருத்துக்களே; அதற்கு இந்த இணையத்தளம் எந்த வகையிலும் பொறுப்பேற்க இயலாது.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s