புதுச்சேரி யூனியன் பிரதேசத்தில் ஏற்கனவே அமலில் உள்ள தளர்வுகளுடன் கூடிய ஊரடங்கு ஜூலை 31-ம் தேதி வரை நீட்டிக்கப்பட்டுள்ளது. ஏற்கனவே உள்ள தளர்வுகளில் கூடுதல் தளர்வுகள் அறிவிக்கப்பட்டுள்ளது. 

அதன்படி, சுற்றுலா தளங்களில் 50 சதவிகித நபர்களுக்கு அனுமதி அளிக்கப்படுகிறது.

* புதுச்சேரிக்குள் நுழைய இ-பாஸ் தேவையில்லை.

ஜூலை 31-ம் தேதி வரை அனுமதிக்கப்படாதவை:-

* சினிமா, தியேட்டர்கள் திறக்க அனுமதியில்லை

* அனைத்து வகையான கூட்டங்களுக்கு அனுமதியில்லை

* இரவு நேர ஊரடங்கு இரவு 10 மணி முதல் அதிகாலை 5 மணி வரை அமலில் இருக்கும்

* மாலை 6 மணி வரை செயல்பட அனுமதிக்கப்பட்டவை:-

* தனியார் நிறுவனங்கள் காலை 9 மணி முதல் மாலை 6 மணி வரை செயல்படலாம்

* இரவு 9 மணி வரை செயல்பட அனுமதிக்கப்பட்டவை:-

* பஸ், ஆட்டோ, டாக்சி, அரசு, தனியார் பொதுபோக்குவரத்து கொரோனா விதிகளை பின்பற்றி செயல்பட அனுமதி

* அனைத்து கடைகள் குளிர்சாதன வசதி இன்றி காலை 9 மணி முதல் இரவு 9 மணி வரை செயல்பட அனுமதி

* காய்கறி, பழக்கடைகள் காலை 5 மணி முதல் இரவு 9 மணி வரை செயல்பட அனுமதி 

* கடற்கரை சாலை பகுதியில் காலை 5 மணி முதல் இரவு 9 மணி வரை முகக்கவசம் மற்றும் சமூக இடைவெளியை கடைபிடிப்பது கட்டாயம்

* பூங்காக்கள் காலை 5 மணி முதல் இரவு 9 மணி வரை செயல்பட அனுமதி 

* உடற்பயிற்சி, யோகா நிறுவனங்கள் 50 சதவிகித நபர்களுடன் செயல்பட அனுமதி

* 50 சதவிகித இருக்கை வசதியுடன் உணவகங்கள் செயல்படலாம்

* டீக்கடைகள், பழச்சாறு கடைகள் கொரோனா தடுப்பு விதிகளை பின்பற்றி செயல்பட வேண்டும் 

* மதுபான கடைகள் காலை 9 மணி முதல் இரவு 9 மணி வரை செயல்பட அனுமதி

கட்டுப்பாடுகளுடன் அனுமதிக்கப்பட்டுள்ள நிகழ்வுகள்:-

* திருமண நிகழ்ச்சிகளில் 100 பேர் பங்கேற்க அனுமதி

* இறுதிச்சடங்கு நிகழ்ச்சிகளில் 20 பேர் பங்கேற்க அனுமதி

* பார்வையாளர்கள் இன்றி விளையாட்டு போட்டிகள் நடைபெற அனுமதி

* திரைப்பட, டிவி நிகழ்ச்சி சூட்டிங் 100 பேருடன் நடைபெற அனுமதி

குறிப்பிட்ட நேர கட்டுப்பாடு இல்லாத நிகழ்வுகள்:-

* இதர செயல்பாடுகளான அவசர தேவைகளான மருத்துவம், தேர்வு, திருமணம், வேலைவாய்ப்பு நேர்காணல் உள்ளிட்ட நடவடிக்கைகளுக்கு எந்த நேர கட்டுப்பாடுகளும் இல்லை

* பொருட்களை கொண்டு செல்லுதல் மற்றும் இ-காமர்ஸ் நடவடிக்கைகளுக்கு எந்த நேர கட்டுப்பாடுகளும் இல்லை 

* அத்தியாவசிய பொருட்கள் விநியோகத்திற்கு நடவடிக்கைகளுக்கு எந்த நேர கட்டுப்பாடுகளும் இல்லை

* விவசாயம், அரசு அலுவலகங்கள் நடவடிக்கைகளுக்கு எந்த நேர கட்டுப்பாடுகளும் இல்லை

என புதுச்சேரி அரசு தரப்பில் தெரிவிக்கப்பட்டுள்ளது.