கோட்டகுப்பத்தில் பிளாஸ்டிக் முட்டை விற்கப்படுவதாக, நேற்று முதல் பொதுமக்களுக்கு அதிர்ச்சி ஏற்படுத்தும் வீடியோ ஒன்று சமூகவலைத்தளத்தில் அனைவராலும் பகிரப்பட்டு பார்க்கப்பட்டது.

கோட்டக்குப்பம் பழைய பட்டின பாதையில் கடையில் வாங்கிய முட்டை இயற்கைக்கு மாற்றமான முறையில் உள்ளதாக ஒருவர் வெளியிட்ட வீடியோ பரபரப்பை ஏற்படுத்தியது.

 

பொதுமக்களுக்கு அதிர்ச்சி ஏற்படுத்திய இந்த சம்பவத்தால் உணவு பாதுகாப்பு அதிகாரிகள் இன்று கோட்டகுப்பதில் உள்ள அணைத்து கடைகளுக்கு சென்று ஆய்வு செய்தார்.பொதுமக்களிடம் புகார் மனுக்களை பெற்றுக்கொண்டனர் , மேலும் கடைகளில் எடுத்த சாம்பிள் முட்டைகளை  பரிசோதனை செய்ய கோயமுத்தூர் உணவு ஆராச்சி மையத்துக்கு அனுப்பி வைக்கப்பட்டது.பரிசோதனை முடிவு வரும் வரை யாரும் முட்டை சாப்பிட வேண்டாம் என்று வலியுறுத்தப்பட்டது.

பிளாஸ்டிக் முட்டை கண்டறியப்படும் முறை :

பிளாஸ்டிக் முட்டையாக இருந்தால் முட்டையை உடைக்காமல் முழு முட்டையை துணியில் வைத்து நன்கு உரச வேண்டும். பின்னர் சிறு சிறு துண்டு காகிதங்களுக்கு அருகில் கொண்டு சென்றால் பிளாஸ்டிக்கில் உராய்வு ஏற்பட்டு தூண்டப்பட்ட மின் காந்த சக்தியால் காகிதம் முட்டை ஓட்டில் ஒட்டிக்கொள்ளும்.

முட்டையை சரிபாதியாக உடைத்த பின்னர் அடிப்பாகம் அகன்ற பகுதியின் உட்பகுதியில் காற்றால் உப்பிய பகுதி பிளாஸ்டிக் முட்டையில் காணப்படாது. முட்டையின் உட்புறம் உள்ள மெல்லிய ஜவ்வு போன்ற பகுதியை கவனமாக தனியாக பிரித்து வைக்க வேண்டும். அந்த முட்டை பிளாஸ்டிக்காக இருந்தால் சிறிது நேரத்தில் அந்த ஜவ்வு போன்ற பகுதி கடினத்தன்மை அடைந்துவிடும்.

மேலும் முட்டையை உடைத்து உள்ளே உள்ள மஞ்சள் மற்றும் வெள்ளைக் கருவை ஊற்றினால் அவை நல்ல முட்டையாக இருந்தால் கரு தனித்தனியே தெளிவாக இருக்கும். இது போன்ற அம்சங்களை வைத்து சாதாரண முட்டை க்கும், பிளாஸ்டிக் முட்டைக்கும் உள்ள வித்தியாசத்தை நாம் தெரிந்து கொள்ளலாம்.