“நூலகமும் இன்றைய மாணவர்களும்” என்ற தலைப்பில் அஞ்சுமன் நூலகம் ஏற்பாடு செய்திருந்த இந்த போட்டியில் 5 பள்ளிகளை சார்ந்த 35 மாணவ, மாணவிகள் பங்கேற்று தங்களின் பேச்சாற்றலை வெளிப்படுத்தினர்.. போட்டியாளர்களில் பலர் தங்களுக்கு இதுபோன்ற வாய்ப்புகள் இன்றைய கல்விச்சூழலில் கிட்டுவதேயில்லை என்று சொன்னது இது போன்ற நிகழ்வுகளின் தேவைகளை முகத்தில் அறைந்தது.. மாணவர்களின் ஈடுபாடும் ஆர்வமும் நிகழ்ச்சி எதிர்பார்ப்புக்கு மேல் வெற்றிகரமாக அமையச் செய்தன..

காலை 10 மணிமுதல் மாலை 4.00 மணிவரை நடந்த இந்த நிகழ்வில் நடுவர்களாக பொறுப்பேற்று, அனைத்து மாணவர்களின் உரைகளையும் பொறுமையாக கேட்டு மதிப்பீடு செய்த திருவாளர்கள் பேரா. சையத் இப்ராகிம், Abdul Hameed, Sithik Basha Julfy, Jalal ஆகியோருக்கு எமது விசேட நன்றி..

நிகழ்ச்சியின் அழைப்பை ஏற்று, ஒத்துழைப்பு நல்கியதுடன் மாணவர்களை குறுகிய காலத்தில் தயார் செய்து அனுப்பிய பள்ளி நிர்வாகங்களுக்கும், ஆசிரியர்களுக்கும் அஞ்சுமனின் நன்றி..