கோட்டக்குப்பம் – புதுவை பகுதியில் அனைத்து சமுதாய மக்களையும் ஒரே தளத்தில் ஒருங்கிணைக்கும் நிகழ்வு அஞ்சுமன் சங்கமம் என்கிற நிலையில் அஞ்சுமன் சார்பாக நேற்று 28.09.15 அன்று சிறப்பாக நடைபெற்றது.

அவ்வமயம் நடைபெற்ற சர்வசமய உரையாடலில் டாக்டர் இரத்தின சனார்த்தனன், பாஸ்டர் எட்வின், சகோ அப்துல் ஹமீது ஆகியோர் மதம் கடந்து மனிதர்கள் பேண வேண்டிய மானுடம் குறித்து உரையாற்றினர். நிகழ்ச்சிக்கு மௌலவி முஹம்மது எஹ்யா மன்பஈ தலைமை ஏற்றார் அஞ்சுமன் தலைவர் டாக்டர் ஷரீஃப் முன்னிலை வகித்தார்.அஞ்சுமன் சங்கமம் (27.09.15) நிகழ்வின் இரண்டாவது அமர்வில் இந்திய பன்மைச்சூழலின் இன்றைய நிலை குறித்த கலந்துரையாடலை தமிழ் தேசிய முன்னணியின் தோழர் ந.மு. தமிழ்மணி நடுவராக இருந்து நெறிப்படுத்தினார். தோழர்கள் சோ.பாலசுப்ரமணியன், இரா. மங்கையர்செல்வன், பொதினி வளவன், ம.இளங்கோ, மௌலவி பாதுஷா ஆகியோர் கருத்துரை வழங்கினர். ஒற்றை பண்பாட்டை நோக்கி இந்தியா நகர்வதை தோழர்கள் பல்வேறு கோணத்தில் எடுத்துரைத்த பாணி அவையினரை வெகுவாக கவர்ந்தது. இத்தகைய போக்குகளை எதிர்கொள்ள சனநாயக முற்போக்கு சக்திகளின் ஒருங்கிணைவு அனைத்து தோழர்களாலும் வலியுறுத்தப்பட்டது. அஞ்சுமன் விருந்து உபசரிப்புடன் நிகழ்ச்சி இனிதே நிறைவுற்றது..