கோட்டக்குப்பத்தில் 2 கிராம மீனவர்கள் மோதல்


புதுவை முத்தியால் பேட்டை சோலை நகரை சேர்ந்த மீனவர்கள் கார்த்திக் என்பவர் தனது நண்பர்கள் சிலருடன் நேற்று மாலை புதுவையையொட்டி தமிழக பகுதியான கோட்டக்குப்பம் அருகே உள்ள மீனவ கிராமமான சோதனை குப்பத்திற்கு சென்றார். அங்கு தன்னை அழைத்த நண்பர் இல்லாததால் கார்த்திக் செல்போனில் அந்த நண்பரை தொடர்பு கொண்டு அவரை தகாத வார்த்தைகளால் திட்டியதாக கூறப்படுகிறது.

 

அப்போது அருகில் நின்ற சோதனைக்குப்பம் மீனவர்கள் கார்த்திக் மற்றும் அவரது நண்பர்களை கண்டித்ததாக தெரிகிறது. இதனால் அவர்களிடையே வாக்குவாதம் எற்பட்டது. அப்போது சோதனைக்குப்பம் மீனவர்கள் ஆத்திரம் அடைந்து கார்த்திக் மற்றும் அவரது நண்பர்களை தாக்கியதாக கூறப்படுகிறது.

 

இதையடுத்து கார்த்திக் மற்றும் அவரது நண்பர்கள் அங்கிருந்து சோலை நகருக்கு சென்று அங்கு தங்களை சோதனைகுப்பம் மீனவர்கள் தாக்கியதாக கூறினர். மேலும் சோதனைகுப்பம் மீனவர்கள் தாக்கியதில் காயம் அடைந்த கார்த்திக் உள்ளிட்டோர் சிகிச்சைக்காக புதுவை அரசு ஆஸ்பத்திரிக்கு கொண்டு செல்லப்பட்டனர். இதனால் ஆவேசம் அடைந்த சோலை நகர் மீனவர்கள் சுமார் 100–க்கும் மேற்பட்டோர் தடி, இரும்பு பைப், சுளுக்கி போன்ற பயங்கர ஆயுதங்களுடன் சோதனைக் குப்பத்துக்கு சென்றனர். அங்கிருந்தவர்களை அவர்கள் சரமாரியாக தாக்கினர்.

 

இந்த தாக்குதலில் சோதனைக்குப்பத்தை சேர்ந்த நாகராஜ் (42), குமரன் (35), சரவணன் (34), ஜெயமூர்த்தி (36), சங்கர் (43), நடராஜன் ஆகியோர் படுகாயம் அடைந்தனர். அவர்கள் உடனடியாக புதுவை அரசு ஆஸ்பத்திரியில் சேர்க்கப்பட்டனர். இதையடுத்து பதில் தாக்குதல் நடத்த சோதனை குப்பம் மீனவர்கள் தயாரானார்கள்.

 

இதுபற்றி அறிந்ததும் கோட்டக்குப்பம் போலீஸ் சப்–இன்ஸ் பெக்டர் ஜெகதீசன் மற்றும் போலீசார் சம்பவ இத்துக்கு சென்று சோதனைக்குப்பம் மீனவர்களை அமைதிப்படுத்தினார்கள். இந்த மோதல் காரணமாக சோதனைக்குப்பம் மீனவ கிராமத்தில் பதட்டம் ஏற்பட்டுள்ளது. அங்கு போலீசார் குவிக்கப்பட்டுள்ளனர்.

 

இதையடுத்து கோட்டக்குப்பம் போலீசார் இரு கிராம மீனவ பஞ்சாயத்தாரையும் அழைத்து பேச்சவார்த்தை நடத்தி வருகிறார்கள்.

 

செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம். மேலும் தெரிவிக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.இருப்பினும் இந்த பகுதியில் வெளியாகும் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் கருத்துக்கள், அவர்களுடைய கருத்துக்களே; அதற்கு இந்த இணையத்தளம் எந்த வகையிலும் பொறுப்பேற்க இயலாது.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s